Në bazë të të arriturave në botën e artit, që nga fillimet e tij në muzikë, rep këngëtari ‘Capital-T’ tashmë mund të vlerësohet në mesin e rep këngëtarëve më të pëlqyer në vend. Të veçantat që ai solli përmes këngëve të deritashme, e veçanërisht atyre solo, bëri që rep këngëtari të zgjerojë tregun e tij muzikor edhe jashtë kufijve, duke bërë për vete një mori fansash nga treva të ndryshme shqiptare.
E tani, teksa është duke u angazhuar me prezantime ‘live’ nëpër vende të ndryshme ku jetojnë shqiptarë, i riu nga Prishtina nuk e ka në plan të shkëputet për asnjë çast as nga krijimet e reja. I radhës është një klip i cili do të lansohet për ditëlindjen e tij, si një dhuratë për fansat e muzikës që ai bën. Kështu të paktën bën me dije, për “Infopress”, ‘Capital-T’, duke rrëfyer angazhimet aktuale në botën e artit.
Festa, çdo katër vjet..
“Aktualisht jam në momentet shumë të mira të karrierës sime. Atë punën e madhe dhe të lodhshme të fillimit të karrierës, të cilën e kam bërë, tash është duke m’u shpërblyer dhe kam kaluar në një fazë më të lartë. Jam duke punuar shumë. Më e reja është përgatitja e klipit të ri, të cilin mëtoj ta lansoj në fund të këtij muaji, në datën e lindjes sime.
Në fakt, ditëlindjen e kam më 29 shkurt dhe më bie të festoj çdo katër vjet, kështu që duke qenë se ky shkurt i ka vetëm 28 ditë, mendoj që këngën ta lansoj më 28 shkurt ose më 1 mars. Po dua që klipin e ri ta lansoj në njërën nga këto dy data, si dhuratë për fansat për ditëlindjen time”, tregon ‘Capital-T’, ndërsa rrëfen detaje për këngën e tij të radhës. “Është një këngë solo dhe është pak a shumë e ngjashme me stilin e këngëve të fundit, ndonëse është pak më e gjallë dhe ka një frymë verore. Nuk është shumë komerciale, por është ajo që mua më pëlqen, përshtatet e më konvenon. Klipi do të punohet me disa pajisje të kualitetit më të lartë, në mënyrë që çdo gjë të shkojë sa më mirë”.
Përveç këngës në fjalë, këngëtari është duke punuar me një përkushtim shumë të madh edhe rreth albumit të tij të radhës, për të cilin premton shumë bashkëpunime. “Gjithashtu jam duke punuar edhe rreth albumit tim të ardhshëm. Do të ketë mysafirë të shumtë e shumë bashkëpunime”.
Progres edhe në tregun e Shqipërisë
Ai nuk ka të ndalur as sa u përket prezantimeve ‘live’. “Jam duke u përgatitur edhe për koncerte të shumta, si brenda, ashtu edhe jashtë vendit. E rëndësishme është se muzika ime është duke u pritur shumë mirë edhe në tregun e Shqipërisë, i cili më kanë pranuar shumë mirë, sidomos me këngët e fundit”, shton këngëtari, duke theksuar se progresi i arritur tashmë me muzikën që ai sjell është një fillim i mbarë për të në rrugën e tij të zgjedhur. “Ky progres faktikisht është edhe fillimi i çdo artisti, çdo këngëtari. Për mua është shumë e rëndësishme që përveç tregut kosovar, të jem i pranishëm dhe të pëlqehem edhe në Shqipëri e në çdo trevë shqiptare”.
Infopress
E tani, teksa është duke u angazhuar me prezantime ‘live’ nëpër vende të ndryshme ku jetojnë shqiptarë, i riu nga Prishtina nuk e ka në plan të shkëputet për asnjë çast as nga krijimet e reja. I radhës është një klip i cili do të lansohet për ditëlindjen e tij, si një dhuratë për fansat e muzikës që ai bën. Kështu të paktën bën me dije, për “Infopress”, ‘Capital-T’, duke rrëfyer angazhimet aktuale në botën e artit.
Festa, çdo katër vjet..
“Aktualisht jam në momentet shumë të mira të karrierës sime. Atë punën e madhe dhe të lodhshme të fillimit të karrierës, të cilën e kam bërë, tash është duke m’u shpërblyer dhe kam kaluar në një fazë më të lartë. Jam duke punuar shumë. Më e reja është përgatitja e klipit të ri, të cilin mëtoj ta lansoj në fund të këtij muaji, në datën e lindjes sime.
Në fakt, ditëlindjen e kam më 29 shkurt dhe më bie të festoj çdo katër vjet, kështu që duke qenë se ky shkurt i ka vetëm 28 ditë, mendoj që këngën ta lansoj më 28 shkurt ose më 1 mars. Po dua që klipin e ri ta lansoj në njërën nga këto dy data, si dhuratë për fansat për ditëlindjen time”, tregon ‘Capital-T’, ndërsa rrëfen detaje për këngën e tij të radhës. “Është një këngë solo dhe është pak a shumë e ngjashme me stilin e këngëve të fundit, ndonëse është pak më e gjallë dhe ka një frymë verore. Nuk është shumë komerciale, por është ajo që mua më pëlqen, përshtatet e më konvenon. Klipi do të punohet me disa pajisje të kualitetit më të lartë, në mënyrë që çdo gjë të shkojë sa më mirë”.
Përveç këngës në fjalë, këngëtari është duke punuar me një përkushtim shumë të madh edhe rreth albumit të tij të radhës, për të cilin premton shumë bashkëpunime. “Gjithashtu jam duke punuar edhe rreth albumit tim të ardhshëm. Do të ketë mysafirë të shumtë e shumë bashkëpunime”.
Progres edhe në tregun e Shqipërisë
Ai nuk ka të ndalur as sa u përket prezantimeve ‘live’. “Jam duke u përgatitur edhe për koncerte të shumta, si brenda, ashtu edhe jashtë vendit. E rëndësishme është se muzika ime është duke u pritur shumë mirë edhe në tregun e Shqipërisë, i cili më kanë pranuar shumë mirë, sidomos me këngët e fundit”, shton këngëtari, duke theksuar se progresi i arritur tashmë me muzikën që ai sjell është një fillim i mbarë për të në rrugën e tij të zgjedhur. “Ky progres faktikisht është edhe fillimi i çdo artisti, çdo këngëtari. Për mua është shumë e rëndësishme që përveç tregut kosovar, të jem i pranishëm dhe të pëlqehem edhe në Shqipëri e në çdo trevë shqiptare”.
Infopress
