Këngëtarja nga Shqipëria, Besa Kokëdhima, po viziton për herë të parë Kosovën. Në intervistën e parë televizive që ajo ka dhënë në Kosovë, përkatësisht në emisionin “Express”, ka thënë se i vjen i mirë që më në fund ajo e ka marrë këtë hap, megjithëse prej kohësh ka menduar që një vizitë e tillë të ndodhë. Mes tjerash ajo ka deklaruar se gjatë verës do të realizojë katër videoklipe dhe kështu do të plotësojë veten edhe në këtë fah, meqë prej kohësh nuk ka realizuar ndonjë videoklip. Po ashtu e pyetur për ndonjë bashkëpunim të mundshëm me ndonjë prej këngëtarëve nga Kosova, Besa ka thënë se diçka e tillë mund të ndodhë shpejt. Besa kah fundi i verës do të nxjerrë në treg albumin e saj, i cili do të përfshijë të gjitha këngët pjesëmarrëse nëpër festivale të ndryshme, por gjithashtu do të ketë edhe këngë të reja.
BotaSot
BotaSot
