Ai gjithmonë ka treguar që është një djalë me këmbë në tokë dhe di çfarë bën. I ka idetë e qarta dhe mendon se cila duhet të jetë alternativa që ai duhet të zgjedhë në mënyrë që suksesi të jetë i sigurtë. Tani të gjithë e njohim karakterin e Qetsorit pasi vetë ai na lejoi që të shohim përtej të dukshmes dhe të hyjmë thellë në Unin e një djali të shkathët dhe shumë të drejtpërdrejtë, që këmbëngul derisa gjithçka të materializohet në vepra.
Ka qenë pikërisht ky karakter që e nxorri atë fitues duke bërë që në opinion të krijohet një farë mode ose tendence ‘all Qetsor’ sipas së cilës, duhet të bërtasësh fort për gjërat e tua, që t’i fitosh ato. Qetësori, djali 33 vjeçar nga Dukati me banim në Orikum, ka vendosur gjithmonë vetë për gjithçka, ndërkohë që mbasi ka mbledhur veten nga fitorja ka mësuar se dikush tjetër kishte vendosur për të. Ai ishte vendosur në listën për deputet të PDK-së, i dyti në qarkun e Vlorës. Gjatë bisedave që ai ka bërë kur ka qenë brenda në shtëpi, ka qenë një episod kur ai tregon që është angazhuar me veprimtari të ndryshme të kësaj partie.
Ka mjaftuar vetëm kaq, që me “djallëzi” në PDK të vendoset që ai të shënohet në listat e tyre për deputet duke pasur parasysh popullaritetin dhe mbështetjen që kanë të rinjtë që marrin pjesë në spektakle të tilla. Që në fillim Qetsori nuk ka qenë shumë entuziast për këtë fakt, por ndërkohë ka deklaruar që do të angazhohet fort e madje ka shkuar edhe më tej duke thënë që kur të bëhet deputet, do të punojë vetëm për interesat e njerëzve të thjeshtë e për hallet e tyre.
Por gjatë këtyre ditëve shumë të ngjeshura, kjo edhe për arsye se kishte kohë që nuk takonte miqtë, ai nuk ka ndjerë mbështetje nga kjo forcë politike e cila me shumë zell e vendosi në listë. Askush nuk i tregoi në detaje se çfarë duhet të bëjë pasi vetë ai nuk kishte ndonjë eksperiencë. Madje miqtë e Qetsorit tregojnë se ai ka kërkuar disa herë që të takohet me kryetarin e kësaj parite, Nard Ndoka ndërkohë që ai ka qenë gjithmonë i zënë.
I ndodhur në këtë situatë, totalisht i vetmuar nga strukturat e partisë, ai ka filluar të elaborojë në mendjen e tij idenë për ta lënë këtë nismë e cila mund të ishte pak e shpejtë për të pasi kushtet për një investim të tillë, mbase nuk ishin pjekur akoma. E ka konsultuar idenë edhe me miqtë e tij të cilët duke njohur tipin e Qetsorit, i kanë thënë atij se gjëja më e mirë që ai do të bënte fill mbas fitores së “Big Brother”, mund të ishte vetëm thjesht një angazhim si mbështetës i një force politike mbase pak më të madhe se ajo e PDK- së, por kurrsesi pjesëmarrja e vetë atij si kandidat për deputet. E gjitha kjo mund t’i kushtonte atij imazhin pasi në sytë e të gjithëve, Qetsori është imazhi i njeriut që fiton, ndërkohë që më 28 qershor ky imazh mund të sfumohej nga imazhi i Qetsorit që humbi zgjedhjet.
Kjo natyrisht do të ishte një kosto shumë e lartë për të pasi ai akoma nuk e ka shijuar mirë fitoren dhe euforinë që ajo sjell. Kanë qenë pikërisht këto mendime që i silleshin në kokë teksa Sokol Balla, moderatori i programit “Top Story” e pyeste për arsyet e angazhimit të tij në politikë. Prandaj ai nuk tregoi asnjë entuziazëm për këtë risi në jetën e tij. Tani miqtë thonë që Qetsori e ka vendosur që të mos merret më me fushatë edhe vetë ata tregojnë që Qetsori nuk ka organizuar ndonjë fushatë të mirëfilltë pasi askush nuk i kishte thënë se çfarë duhet të bënte konkretisht.
UDHËTIMET E SHPESHTA NË TIRANË
Vjen shumë shpesh në Tiranë, për të takuar miqtë dhe fansat e tij. Gjithashtu Qetsori shihet shpesh edhe në shoqërinë e ish-banorëve të “Big Brother” në lokalet e bllokut. Një nga miqtë e tij më të mirë në Tiranë është edhe analisti i “Big Brother” Arjan Konomi dhe kjo mund të lidhet edhe me origjinën e të dyve, pasi Arjani është nga Vlora. Ndërkohë ka filluar me vrull punët për të mbaruar lokalin e tij buzë detit në mënyrë që të presë klientët e këtij sezoni turistik.
PanoramaPlus
Ka qenë pikërisht ky karakter që e nxorri atë fitues duke bërë që në opinion të krijohet një farë mode ose tendence ‘all Qetsor’ sipas së cilës, duhet të bërtasësh fort për gjërat e tua, që t’i fitosh ato. Qetësori, djali 33 vjeçar nga Dukati me banim në Orikum, ka vendosur gjithmonë vetë për gjithçka, ndërkohë që mbasi ka mbledhur veten nga fitorja ka mësuar se dikush tjetër kishte vendosur për të. Ai ishte vendosur në listën për deputet të PDK-së, i dyti në qarkun e Vlorës. Gjatë bisedave që ai ka bërë kur ka qenë brenda në shtëpi, ka qenë një episod kur ai tregon që është angazhuar me veprimtari të ndryshme të kësaj partie.
Ka mjaftuar vetëm kaq, që me “djallëzi” në PDK të vendoset që ai të shënohet në listat e tyre për deputet duke pasur parasysh popullaritetin dhe mbështetjen që kanë të rinjtë që marrin pjesë në spektakle të tilla. Që në fillim Qetsori nuk ka qenë shumë entuziast për këtë fakt, por ndërkohë ka deklaruar që do të angazhohet fort e madje ka shkuar edhe më tej duke thënë që kur të bëhet deputet, do të punojë vetëm për interesat e njerëzve të thjeshtë e për hallet e tyre.
Por gjatë këtyre ditëve shumë të ngjeshura, kjo edhe për arsye se kishte kohë që nuk takonte miqtë, ai nuk ka ndjerë mbështetje nga kjo forcë politike e cila me shumë zell e vendosi në listë. Askush nuk i tregoi në detaje se çfarë duhet të bëjë pasi vetë ai nuk kishte ndonjë eksperiencë. Madje miqtë e Qetsorit tregojnë se ai ka kërkuar disa herë që të takohet me kryetarin e kësaj parite, Nard Ndoka ndërkohë që ai ka qenë gjithmonë i zënë.
I ndodhur në këtë situatë, totalisht i vetmuar nga strukturat e partisë, ai ka filluar të elaborojë në mendjen e tij idenë për ta lënë këtë nismë e cila mund të ishte pak e shpejtë për të pasi kushtet për një investim të tillë, mbase nuk ishin pjekur akoma. E ka konsultuar idenë edhe me miqtë e tij të cilët duke njohur tipin e Qetsorit, i kanë thënë atij se gjëja më e mirë që ai do të bënte fill mbas fitores së “Big Brother”, mund të ishte vetëm thjesht një angazhim si mbështetës i një force politike mbase pak më të madhe se ajo e PDK- së, por kurrsesi pjesëmarrja e vetë atij si kandidat për deputet. E gjitha kjo mund t’i kushtonte atij imazhin pasi në sytë e të gjithëve, Qetsori është imazhi i njeriut që fiton, ndërkohë që më 28 qershor ky imazh mund të sfumohej nga imazhi i Qetsorit që humbi zgjedhjet.
Kjo natyrisht do të ishte një kosto shumë e lartë për të pasi ai akoma nuk e ka shijuar mirë fitoren dhe euforinë që ajo sjell. Kanë qenë pikërisht këto mendime që i silleshin në kokë teksa Sokol Balla, moderatori i programit “Top Story” e pyeste për arsyet e angazhimit të tij në politikë. Prandaj ai nuk tregoi asnjë entuziazëm për këtë risi në jetën e tij. Tani miqtë thonë që Qetsori e ka vendosur që të mos merret më me fushatë edhe vetë ata tregojnë që Qetsori nuk ka organizuar ndonjë fushatë të mirëfilltë pasi askush nuk i kishte thënë se çfarë duhet të bënte konkretisht.
UDHËTIMET E SHPESHTA NË TIRANË
Vjen shumë shpesh në Tiranë, për të takuar miqtë dhe fansat e tij. Gjithashtu Qetsori shihet shpesh edhe në shoqërinë e ish-banorëve të “Big Brother” në lokalet e bllokut. Një nga miqtë e tij më të mirë në Tiranë është edhe analisti i “Big Brother” Arjan Konomi dhe kjo mund të lidhet edhe me origjinën e të dyve, pasi Arjani është nga Vlora. Ndërkohë ka filluar me vrull punët për të mbaruar lokalin e tij buzë detit në mënyrë që të presë klientët e këtij sezoni turistik.
PanoramaPlus
