E lodhur nga koncertet e ndryshme nëpër Kosovë, Shqipëri dhe Diasporë, këngëtarja Nora Istrefi gjen kohë edhe për të fejuarin e saj, Robertin me të cilin shihen nëpër ahengje të mëdha që mbahen në Prishtinë. Nora, është njëra prej këngëtareve të vetme kosovare që këtë vit nuk arriti të merr çmim në Top – Fest 6 në Shqipëri, ndërkaq klipet e saja nuk ishin të nominuara as në Video-Fest 08 në Kosovë. Megjithatë, ajo thotë se është e kënaqur me punën e saj dhe se është shumë e lumtur që ka për të fejuar Robertin! Kur është puna për martesën përgjigje nuk ngurron të jep edhe Roberti, i fejuari i Norës, i cili thotë se do të organizoj dasmën në oborr me tradita të vjetra shqiptare...
Express Online: Sapo keni realizuar një video-klip. Sa jeni të kënaqur më të?
Nora: Jam shumë e kënaqur që kemi arritur me bo diçka të mirë. Bashkë me Entermedia kemi arritur që të bëjmë diçka shumë verore, shumë të lëzeqme, shumë “cool”, kështu që unë jam shumë e kënaqur edhe me këngën e edhe me klipin.
Express Online: Përpos Top-Fest 6, a jeni të nominuar edhe në Video-Fest 08?
Nora: Sivjet nuk kam mundur që të nominohem në Video-Fest 08 pasi që klipi i im i ri është dal shumë vonë dhe dihet se në këtë festival këngët nominohet nga video-klipet e vitit të kaluar.
Express Online: A po ndiheni e lodhur nga koncertët në Kosovë, Shqipëri dhe në diasporë?
Nora: Normalisht, është një lodhje shumë e madhe. Madje sapo kam ardhur prej Tirane në Prishtinë dhe mandej do të udhëtoj përsëri. Mirëpo, është vullneti dhe shumë gjëra të tjera që e mbajnë këngëtarin në trend. Është dëshira për të punuar.
Express Online: Kur pritet që të martoheni?
(reagon Roberti)
Roberti: Kismet prej Zotit shpejt. Ka me qenë një dasmë e madhe në të cilën kanë më marrë ftesë të gjithë.
Nora: Edhe për dasmë do të njoftoheni me kohë pasi na edhe në fejesë nuk kemi mbajtur asgjë të fshehur, e as për martesë nuk do të mbajmë një gjë të tillë. Pra, do ta kuptojnë të gjithë dhe nuk do të këtë sekrete për martesën tonë.
Express Online: Ku do ta mbani dasmën? A keni vendosur ende?
Nora: Patjetër në Kosovë!
Roberti: Qysh po shihet po doket në oborr kemi me e mbajt si në të moçmen!
Express Online: Keni vendosur për këngëtarët që do të këndojnë në dasmën tuaj?
Nora: Jo ende nuk kemi vendosur...
Roberti: Nuk e dimë po shumë, shumë këngëtarë ka me pas...Ndoshta edhe Nexhmije Pagarusha! Hahahah....
Gazeta Express
