• Artikujt me te fundit:

• Tė pathėnat e Kafazit tė Artė
• Debate tė forta nė Kafazin e Artė mes Pėllumbit dhe banorėve tė tjerė.
• Joni: Unė Alban Rexha i Kafazit tė Artė 6
• Alban Rexha sėrish nė Kafazin e Artė
• Joni braktis shtėpinė e Kafazit tė Artė

 

Edicioni i pestë i Kafazit të Artë nuk i dha çmim, por i dha famë. Famë të cilën e shfrytëzoi për të kërkuar suksesin në muzikë. Alban Rexha, ishkafazieri që krijoi aq e aq debate në Kafazin e Artë me Benin, dhe që si pasojë e fyerjeve u përjashtua nga reality show, ka qenë dje në mbrëmje i ftuar special në spektaklin e Kafazit të Artë 6. Ka ardhur me statusin e një këngëtari të rrymës hippop, ku në harkun e një viti ka krijuar jo pak, por nëntë këngë. Albani ka krijuar një atmosferë të këndshme në Kafaz, por edhe ka replikuar me Nikun në studio. Ai është shprehur se “në Kafaz jam prit me lule, po pastaj janë intrigat ato çfarë thuhen nga pas krahësh. Ti Niku nuk kishe pse ndikoheshe nga ndonjë person. Mua më ka ardhur keq për daljen e Nikut, por edhe të Albanës, se mendoja që ajo duhet të ishte ende atje brenda”. Ai u ka bërë nga një dhuratë dy banorëve të tij të preferuar, Jonit dhe Gerit. Ndërkohë që, më pas Albani ka dhënë mendimet e tij për të gjithë banorët me radhë, nga ata të Kafazit të Artë, tek të Kafazit të Ndryshkur.

ALBANI PËR FRENSISIN

Frensis, unë kam vajzën e një shoku që quhet Klara, dhe ajo qesh me të madhe kur të sheh ty. Nejse, veshët janë një defekt që nuk i ke zgjedhur vetë. Unë them se me ato vesh t’i mund të dalësh nga Kafazi të fluturosh, se nuk ke nevojë për krahë. Të jesh vetvetja, ai që ishe në fillim, pasi mund të vinin edhe dhurata, siç i kam bërë unë shokut tim. Ji vetvetja, them unë.

ALBANI PËR JONIN

Unë të uroj suksese dhe një këshillë kam: besoji vetes më tepër. Në Kafaz dihen gjithë gjërat, intrigat, dhe një njëri që duket si i fortë, të gjithë e afrojnë dhe e duan si shok. Unë jam pro teje dhe unë kam një vërejtje: vazhdo të jesh si në Kafazin e Ndryshkur.

ALBANI PËR GERIN

Hë mor plak, ça bën ti? Më bëhet qejfi që je djalë i shkathët. Më pëlqen mënyra si flet dhe si i mbron njerëzit. Kam parë debatin tënd me Frensisin, nuk e kam bërë as unë në Kafazin 5. Po, nuk i kam hequr njeriu çarçafin, bravo për moshën që ke dhe suksese!

ALBANI PËR SILVANEN

Silvana, ti je një sportiste, unë kam qenë vetë. Ne sportistët kemi karakter të fortë dhe ecim drejt. Nuk je vetvetja ende. Hapu lal, dhe trego veten. Nuk je ajo Silvana e parë. Mos mbaj krahun kot të njeriu, shiko se kush ja vlen t’i mbash krahun.

ALBANI PËR ADELËN

Adela, duhet t’i përballosh edhe debatet. Një njeri që mundohet dhe debaton dhe ja del me të gjithë, ka edhe votat nga publiku. Nëse je e aftë të përballosh debatet, ke dhe votat.

ALBANI PËR YLBERIN

Ylber, për ty është një fitore që dole në televizor dhe kaq kam unë me ty.

ALBANI PËR BEROLDËN

Po tregon gjëra të mira. Di që është një vajzë e fejuar dhe unë e njoh dhe Gazin. Duhet të jetë më e shkathët dhe më bëhet qejfi për sjelljen e saj, por të jetë më e shkathët dhe më aktive në debat.

ALBANI PËR MATILDËN

Për mua merr çmimin Nobel për ato poezitë. I them të bëj edhe ndonjë poezi për veten. Nëse ka ardhur në Kafaz për poezi, le të shkojë në konkurs tek Pallati i Kulturës, jo të vij në Kafaz.


Gazeta: Shqiptare