Këngëtarja e popullarizuar Genta Ismaili ka promovuar këngën dhe videoklipin “Skllave ti kurrë s’do jesh”, me ç’rast tha se e ka bërë këtë këngë me shumë zemër dhe shpreson që ajo do të bartë një mesazh të mirë për të ngritur vetëdijen e qytetarëve në luftën kundër trafikimit me qenie njerëzore. Videoklipi është sponsorizuar nga Ministria e Kulturës, Rinisë dhe Sportit dhe u promovua të mërkurën mbrëma me rastin e ndarjes së certifikimit të 38 përfaqësuesve të OJQ-ve dhe vullnetarëve, të cilët kanë vijuar trajnimin për anti-trafikim. Ismaili tha se kur kishte pranuar ta punonte këtë projekt, kishte mësuar shumë për trafikimin e qenieve njerëzore.
“Unë nuk e di çfarë njerëz janë ata që mund ta keqtrajtojnë një fëmijë, një femër dhe mendoj që janë njerëz shumë të këqij”, ka thënë Genta plot emocione, duke shtuar se ajo është shumë feministe dhe fëmijët i do shumë. Pas pak çasteve, nën ndikimin e emocioneve Gentës i shpëtuan lotët, ndërsa më pas ajo u përcoll nga të pranishmit me duartrokitje. Edhe pse, njëri nga bashkëpunëtorët e Gentës, Bekim Korça paralajmëroi se Genta “ka pranuar që të jetë më e zhveshur” në këtë video-klip se sa në hitet e veta komerciale, nuk doli të jetë ashtu, gjë që u pa edhe me rastin e emetimit të këtij video-klipi për të pranishmit. Sa i përket “zhveshjes” së paralajmëruar për këtë video-klip, Genta i ka thënë Bekim Korçës me shaka “se mos deshe me u vesh në dimi?!” Ndryshe, tekstin dhe muzikën e këngës “Skllave ti kurrë s’do jesh” e ka bërë Yll Beluli, ndërsa videoklipi është xhiruar në Gjilan.
KosovaPres
“Unë nuk e di çfarë njerëz janë ata që mund ta keqtrajtojnë një fëmijë, një femër dhe mendoj që janë njerëz shumë të këqij”, ka thënë Genta plot emocione, duke shtuar se ajo është shumë feministe dhe fëmijët i do shumë. Pas pak çasteve, nën ndikimin e emocioneve Gentës i shpëtuan lotët, ndërsa më pas ajo u përcoll nga të pranishmit me duartrokitje. Edhe pse, njëri nga bashkëpunëtorët e Gentës, Bekim Korça paralajmëroi se Genta “ka pranuar që të jetë më e zhveshur” në këtë video-klip se sa në hitet e veta komerciale, nuk doli të jetë ashtu, gjë që u pa edhe me rastin e emetimit të këtij video-klipi për të pranishmit. Sa i përket “zhveshjes” së paralajmëruar për këtë video-klip, Genta i ka thënë Bekim Korçës me shaka “se mos deshe me u vesh në dimi?!” Ndryshe, tekstin dhe muzikën e këngës “Skllave ti kurrë s’do jesh” e ka bërë Yll Beluli, ndërsa videoklipi është xhiruar në Gjilan.
KosovaPres
