Gjatë gjithë sezonit kanë qenë pjesa e lezetshme,apo çlodhëse e një programi investigativ si”Fiks fare”, në Top Channel. Por mesa duket vajzat ka qenë të suksesshme me praninë e tyre, përderisa para dy ditësh u kanë komunikuar se ato do të jenë sërish velinat e sezonit të ri. Gjatë sezonit të fundit televiziv ato kërcyen para kamerave, duke shoqëruar mbrëmjet e shqiptarëve, dhe duke u identifikuar si “vajzat e fiksit”. Luana, vajza brune e këtij programi dhe Livia bionde, do të ruajnë sërish të njëjtën ngjyrë të flokëve, pasi sekreti i velinave aty qëndron, që patjetër njëra është brune dhe tjetra bionde. Luana studion në vit të katërt të një shkolle të mesme private dhe është në të njëjtën klasë me të motrën, Marinën, ish -velinën bionde të “Fiks fare”, e cila aktualisht ka gjetur veten në” Top media” si prezantuese në “Top Select” e së fundi po përgatitet për emisionin e ri sportiv përkrah Edi Manushit. Ndërsa Livia, vajza që dikur ka qenë brune, u bë bionde vetëm për të qenë velina e programit “Fiks fare”. Jeta e saj është baleti, dhe ajo ka filluar të merret me balet që në moshën katër vjeçare, kështu që e ardhmja e saj do të jetë me siguri e lidhur me këtë profesion. Dyshja e fundit e “Fiksit” ngjason shumë me atë të pak viteve më parë, Xhemi- Ola. Luana dhe Xhemi janë brunet simpatike, që u shndërruan me kalimin e kohës në imazhin e DigitAlb-it. Kurse Ola dhe Livia, kanë ndjekur të njëjtën rrugë. Ato janë dy balerina profesioniste, të lidhura me baletin që në një moshë fare të vogël. Livia dhe Luana, janë dy kolege që merren vesh mjaft mirë me njëra-tjetrën, megjithatë nuk ruajnë një miqësi të ngushtë jashtë skenës së “Fiks fare”-s. Ato do të kërcejnë çdo natë, në prani të Saimirit dhe Doktorit, dhe përgatitjes nga të njëjtën koreografë, Olës dhe Ezadalinin Goranit.
PanoramaPlus
PanoramaPlus
