Në mes të muajit korrik, Genta Ismajli nxori albumin e saj të ri, i cili mezi po pritej nga fansat falë një fushate publicitare të mirë në media. U fol për bashkëpunimin e saj me autoren e njohur Dioguardi, publikimin e këngëve në i Tunes dhe turneun në Amerikë, ndaj të gjithë prisnin diçka të re, diçka të ndryshme nga këngëtarja. Fatkeqësisht, ky mund të jetë albumi i saj më i dobët.

 Duket sikur vetë Genta ia ka vënë notën krijimit të saj më të fundit, duke e titulluar "Zero Zero"! Këngë më e dëgjueshme në album është "Relax", e cila ironikisht nuk ka asnjë efekt relaksi, sepse është këngë ritmike, ndërsa hit i mundshëm mund të jetë kënga "S'dua të jem e tjetërkujt".

E nëse albumi nuk do të mbahet mend për ndonjë hit, do të mbahet mend patjetër për këngën me titullin më të keq në historinë e muzikës shqipe - Qeni që leh! UAU! Kënga është aq qesharake, saqë thotë "..qeni që leh, nuk të kafshon" dhe në sfond dëgjohet uturima e një ujku. Ndërkohë, Genta ka krijuar tashmë faqen e saj të internetit, ku të gjithë fansat mund të njihen me krijimtarinë e këngëtares, aktivitetet, por mund të dëgjojnë edhe albumin e saj të ri.


Nga: SummerPages